去旅行最核心既野，当然就系游景点！由于今次系“半自助游”，我地就黎到当地再参团，大约3日既行程，只包午餐同车费、大门票，价钱大约￥650左右，感觉还好。事不宜迟，马上为你介绍西夏名胜;
    *****5粒星景点：依附在包兰铁路旁，黄河畔的沙坡头上，放眼远眺遍地黄沙……就系中国四大沙漠之一：腾格里沙漠……！同团友分别骑上纯良既骆驼组成一支浩荡既骆驼队伍，听着清脆既铃当声，驰骋于广袤既沙漠上。在这塞上尽情地让火焰般的太阳把你的每一寸肌肤都烤得赤红……………… 在沙漠上有唔少自费既娱乐项目，例如：跑跑卡丁车，赛车冲浪之类，我就选择左玩“滑沙”，感觉如同系水上乐园玩“高处滑梯”，可惜溅到身上既并非系水花，而系黄沙！唉……………………
  
   ****4粒星景点：西夏影视城  一字甘浅拍戏既地方咯，但距又真系唔系拍戏既地方甘简单！呢度原本系一个城堡，后来改建为影视城，规模宏伟，全部都系古装既场景，《火舞黄沙》《大话西游》好多大制作都系呢度取景，里面既场景应有尽有，逼真生动。当日我地仲系度遇上风沙，真系体验到“火舞黄沙”既感觉。

   ***3粒星景点：3日行程当中，我地有一日系去左内蒙既鄂尔多斯草原，其实草原就真系好多草，仲有就系一群群绵羊仔咯，可惜我地遇上恶劣天气－－－－草原都有雨落！所以咩草原日出/落最浪漫既全部睇唔到，篝火晚会都被迫取消，唯一顶瘾就系住左一晚蒙古包！仲要系最最原始果只！十足个帐篷甘，比较多“小动物”陪你玩，夜晚有时训训吓你只脚唔觉意用力撑到蒙古包既边缘，都可以掂到外面既草！最挪命系无洗手间，果晚都无得沐浴更衣，呢家野就最挪命啦！

    剩下落黎就系沙湖，呢个地方好抵死，一个好似沙漠甘既地方，中间有个好大既湖，里面有好多又长又绿既芦苇，好有大自然既气息，果度有个好大既沙雕园，D沙雕的确唔错！

    未作任何介绍既景点，好玩程度大家就可想而知啦…… 我既介绍就系甘多，如果大家想去宁夏玩翻转既我仲可以提供多一点建议嘎！

    为期5日既宁夏之旅，确实有唔少骑呢古怪野玩，吃喝玩乐真系几顶瘾～OK，let's go！
   
    民以食为天，讲【吃喝】先啦：
    宁夏回族自治区，名副其实1/3都系回民，因此当地猪肉几乎罕见，羊肉“大行其道”。所以，我地都食左两餐分别唔同风味既“全羊宴”。在银川，【老毛清真手抓羊】与【国强清真羊肉】齐名，分别系当地最power既两家清真羊肉连锁店，享负盛名！我地就试左手抓羊、烤羊肉串、西夏羊排、羊杂碎等几个菜式，手抓羊比较清淡，just好似清煮，无任何调味加工甘，羊肉味超级浓郁但唔骚，比较有口感，配上蘸点既陈醋酱料，别有一番风味。总体感觉比较有当地特色，但系“老毛”既口味比较浓偏咸，因为落黎为南方既朋友仔特意推介另外一种羊肉既食法--------羊肉火锅！当地一间叫“一撮毛炭火”（炭火：估计应该为火锅既代名词），呢间饭店外表虽然唔“靓仔”，但系距做羊肉火锅既手法同“涮羊肉”既方式有过之而无不及既地方，因为距既羊肉胜在唔系冰鲜甘片出来，而系即点即片新鲜羊肉出来，所以打起火锅上黎嫩滑、多汁，口感到味道都超一流！而当中既烤羊肉串就的确令人难忘，肉半肥瘦（有回族人汉语水平有限，将“肥”表达为“壮”，“瘦”表达为“弱”），咬落有汁液在你齿颊加你回香……哗！爽！！当晚我地一行10人，平均“涮”左半斤羊肉，烤羊肉大约每人5～10串不等。值得一提既系，原来烧羊腰都好盏嘎！！
    值得一提，当地盛产杞子，杞子随处可见，而且新鲜，体积比我地系广州都要大，食过感觉的确有点不同。然而水果亦“平到笑”，哈密瓜4毫一斤，西瓜仲惨，2毫一斤，仲要系“大金钟”瓜，因此你卑2蚊买西瓜，可能就已经可以食到……咔咔………………关于饮食方面既交代系甘多，交翻卑大家写评论！